Skip to content Skip to sidebar Skip to footer

Contoh Teks Wawancan Pepaccogh Pepaccur Atau Sastra Lisan Dalam Bahasa Lampung

Cindri yanto - Pepaccogh, pepaccur atau wawancan hanya berbeda dalam penyebutan namun memiliki arti dan makna yang sama yaitu merupakan jenis sastra lisan lampung yang berbentuk puisi, biasa digunakan untuk menyampaikan pesan atau nasihat dan pemberian gelar adat adok/adek

Lampung dibagi menjadi dua kelompok atau golongan antaranya Pepadun Dan Saibatin
Istilah pepaccur dikenal di lingkungan masyarakat dialek O "pepadun" sedangkan istilah Pepaccogh dan wawancan dikenal dilingkungan masyarakat saibatin dimana menggunakan Dialek A "api"

Berikut Ini Merupakan Contoh Teks Wawancan Dalam Bahasa Lampung

Assalamualaikum tabik pun nabik tabik
Sekindua jo ganta  haga bubalah cutik
Lain muneh sembagha mahap jama sai ghamik Peghwatin tuha ngugha sai jawoh ghik sai ghedik

Lain muneh sembaghana
Mahap jama sai ghamik
Peghwatin tuha ngukha
Sai jawoh ghik sai ghedik
Gham tiyung jama - jama pun

Mak ghebak tapis kudo dandan cakak di midan
Mak salah sekindua kodo nguakhok ko wawancan
Kik sangun benogh dia sekindua mak salah
Kayunan jak sai tuha kepahit kepakhitah

Lagi kena kayunan
Dikayun tuha batin
Nyampaiko kehenguk an jama seunyini pekhwatin
Jak suku bidang jakhu ngayunko sekindua
Hanggum cawa setuju kik adok lekok dia
Gheno hani … kudo pun …

Ya sangun tipu balah khanggum unyin tutukan
Adok makhi tibigah senenui dihejongan
Lain muneh tipilah ya sangun kehangguman
Gham nutuko petuah pakat jak kiri kanan

Cekhita diterusko nutuk cawa sai mena
Injuk di eka susanton hejongan anak tuha
Butanya ghik bukoddo ngehadap sitatuha
Niat sangun temon do ngapubalah kehaga

Sekula ghadu luwah sangun khadu bekeghja
Mengabdi pemeghittah otonan ni sarjana
Ya lunik tutuk simah ngabigah pabrik gula
Hajat yu tipuluwah ngepubalah kahaga
Gheno hani kudo pun …

Eka susanton bakhani ya antop mughah cawa
Ghadu wayah waktuni ya mimpin ghumah tangga
Si tuha ghadu ngeni pengahut tuha marga
Lekok dia adokni beadok jimpang ghaya
Gheno hani kudo pun …

Putawok sesimbatan judu sangun putungga
Basa jughagan lamban tanggung jawab jejama
Sangun judu jak tuhan tiyan ghua putungga
Ngekok tali kemuaghian dibaghongi sai tuha

Insinyur rita harnani ya sikop waya nihan
Pekhyayi betik hati pandai ngandanko badan
Sangun mak salah tampa ya ghadu hanggum unyin
Pengahut jak sai tuha panghenguk tuha batin

Adokni cocok dia sepadan diwanggani
Gham pakai jama - jama ukhaw gelar adokni
Tanda kahut sai tuha senenun dihejongan
Adok yu lekot dia adokni ayu khaya

Ajo waghca tilimban enggok gham di sai tuha
Bapak hayun adenan ya khingai tutuk waya
Pension kehutanan ghituk wiraswasta
Kapan kok ya dilamban butetop pakat ghaya

Pindah muneh pai kisah injuk bebai sai tuha
Kinjuk ibu sutiyah ya antop mughah cawa
Ya betik tutuk simah jadi guru sekula
Sangun nasib ghek tuha mak ughung nyabai nyada

Nutuk luyut sai tuha senenun di caghani
Mejong diadok tuha punyimbang ghadu ngeni
Adok yu lekok dia jejama gham makaini
Hangum hangum jejama mak kanyana adokni
Gheno hani kudo pun adokni tiyan ghumpok sina

Betik kuti bulamban pandai ngebigah cagha
Setutuk sehang hungan ghanggum pakat jejama
Dang ginjung dihalangan dang mudah kena guda
Kantu wat ghaghumpakan jama jama ngiman ya

Antak ija wawancan wasalam kuakhiri
Cukup payu sekian sikam undoghko dighi
Kalau ya wat gunani wawancan ni sikam ji
Putungga muloh lawi dilayin waktuni

Itulah contoh teks wawancan / sastra lisan dalam bahasa lampung, biasanya dibacakan pada saat acara adat seperti acara pernikahan atau khitanan, terima Kasih Bagikan

Admin
Admin Hanya seorang hamba tuhan yang ingin bermanfaat bagi orang lain